Қазақстан Республикасының Тәуелсіздігінің 30 жылдығына орай Арнайы пәндер бірлестігінің онкүндік жоспары бойынша, 2021 жылдың 22-ші қарашасында І.Жансүгіров атындағы Жетісу университетінің «Қаржы» мамандығын бітірген түлектермен кездесу өтті. Кездесуді ұйымдастырушы «Zhansugurov College»-нің экономика пәндер оқытушысы Толегенова Аида Досмуханбетовна. Кездесуге әр-түрлі бағытта қызмет ететін университет түлектері шақырылған. Айта кететін болсақ: Президент жанындағы Мемлекеттік басқару академиясының тренері Адамов А.А., ММ «Алматы облысы бойынша тексеру комиссиясы» материалдық бухгалтері Қанабекова Т.Қ., АҚ «Еуразиялық банк» жетекші қаржылық кеңесшісі Альчимбаева Д. және «Zhansugurov College»-нің экономика пәндер оқытушысы Сұлтанов А.А.. Білімгерлер жетекші маман иелеріне сұрақтарын қойып, теорияны тәжірибемен ұштастырып білімдерін нығайтты.
