2022 жылдың 14 наурызынан 19 наурызына дейін дене шынықтыру және өнер Жоғары мектебі І. Жансүгіров атындағы Жетісу университетінің 50 жылдығы аясында «Ерлік апталығын» өткізді
Акцияның мақсаты – оқушылардың бойында жоғары патриоттық сезімді, өз Отанына деген адалдық сезімін, ҚР мүдделерін қорғау бойынша азаматтық борыш пен конституциялық міндеттерді орындауға дайындығын тәрбиелеу. 2022 жылдың 14 наурызында № 4 және №19 орта мектептерде АӘД мұғалімдері, 8-9 сынып оқушылары және оқытушы-лектор Б.Ш. Шаяхметовтың қатысуымен Ауған жауынгерлеріне арналған «Соғыс үшін ешкім жаратылған жоқ» атты еске алу күні өткізілді. Өз сөздерінде қонақтар өздері, өздерінің өмір жолдары, соғыс қимылдарына қалай қатысқандары туралы айтып, 8-9 сынып оқушыларының сұрақтарына жауап берді.
2022 жылдың 16 наурызында І.Жансүгіров атындағы Жетісу университетінде университетпен танысу мақсатында №19 орта мектеп оқушыларымен кездесу өтті. Кездесу барысында оқушылар университет тарихымен, дене шынықтыру және өнер Жоғары мектебінің студенттерімен танысты. Тир, «Әскери робототехника» виртуалды зертханасына (220 аудитория), сондай-ақ әскери кафедраға барды.
2022 жылдың 17 наурызында № 4 және №19 орта мектептерде «Бастапқы әскери дайындық» ББ студенттері 8-10 сынып оқушыларымен «Мен өз Отанымның патриотымын» тақырыбында әңгіме өткізді.
2022 жылдың 18 наурызында «Бастапқы әскери дайындық» ББ 3-4 курс студенттері өндірістік іс-тәжірибе өту аясында І. Жансүгіров атындағы Жетісу университеті Жалпы даму ББ оқытушы-дәріскері Б. Ш. Шаяхметовтың қатысуымен №19 және №12 орта мектеп оқушыларымен Азаматтық қорғаныс бойынша дәріс өткізді.
