2022 жылдың ақпан айында І.Жансүгіров атындағы Жетісу университетінің Жаратылыстану жоғары мектебі «География-тарих» білім беру бағдарламасы бойынша 2 курс білімгерлерінің бастамасымен және оқытушылардың қолдауымен ЖУ «Географ – зерттеуші» студенттік клубы құрылды.
Студенттік клубты 2 курс студенттері Муратова Аружен және Абдикаримова Назерке басқарады. Кураторы география PhD докторы, оқытушы-дәріскер Керімбай Баян Сүлейменқызы.
Құрылған ұйымның негізгі мақсаты – жастар мен студенттер арасында табиғатты және табиғи-аумақтық кешендерді зерттеп, әлемдегі түрлі қызық құбылыстарды іздеп тауып, соны ортада клуб мүшелерімен талқылап, география пәнінен шығармашылық зерттеу жұмыстарын насихаттау.
Міндеттері:
– алға қойылған мақсат пен іс-шараларға жауап беретін жастардың бастамаларын қолдау және зерттеу жобаларын әзірлеу;
– жастарға бағытталған жобаларға жастардың белсенді қатысуын ұйымдастыру және ынталандыру, сондай-ақ осындай жобаларға қатысуға бағытталған белсенді және бастамашыл жастарды тәрбиелеу және оқыту жүйесін құру;
– география ғылымын жетілдіру және дамыту жұмыстарына, іргелі және қолданбалы зерттеулер мен жобаларға қатысуды үйрену.
ЖУ «Географ – зерттеуші» студенттік клубының отырысы айына 2 рет жоспарлы түрде өткізілуде.
