2022 жылдың 19 сәуірінде корей тілінің оқытушысы Э.В. Ли «Шет тілі: екі шет тілі» мамандығының 2 және 3 курс студенттерімен бірлесіп Корея мәдениеті бойынша студенттердің презентацияларының жоспарланған конкурсын өткізді. Студенттер өз бетінше тақырыптарды таңдады, қажетті иллюстрацияларды таңдады, ілеспе сөйлеу материалдарын дайындады және презентациялар жасады. Байқауға 15 студент қатысты. Шақырылған корей тілін меңгерушілер Со мырза мен Ан ханым, корей тілі мектебінің оқытушылары жұмыстарды бағалады. Екінші курс студенттері Серікқызы Аружан мен Асқарқызы Мөлдір «Дәстүрлі корей тағамдары» – 1орынды иеленді, сыйлық 20 000 теңге. Екінші орынды «Кореяның дәстүрлі музыкалық аспаптары» тақырыбындағы екінші курс студенттері Қасымхан Айым мен Саятұлы Қайсар иеленді, екінші орын сыйлығы – 15 000 теңге. Үшінші курс студенттері ғибрат Еркегүл мен Талапбекова Жібек «Кореяның атақты көрікті жерлері» тақырыбымен үшінші орынды иеленді, сыйлықтары – 10 000 теңге. Студенттер қызығушылық тудыратын материалды таңдау, PPT құрастыру қабілеттерін көрсетті, бірақ ең бастысы корей тілінің ауызша сөйлеу дағдысының жақсы деңгейін көрсетті. Іс-шараның екінші бөлігі корей асханасымен танысу мақсатында «Ачим ноыл» мейрамханасына бару болды. Бұл іс-шара Корея Республикасының Алматыдағы Елшілігі жанындағы ағарту орталығының жыл сайынғы материалдық қолдауының арқасында мүмкін болды.
Мұндай іс-шаралар корей тілін үйренуге деген ынтаны арттырады, студенттерге өз бетінше дайындалған материалмен көпшілік алдында сөйлеуге, білімдерін тексеруге және ауызша және жазбаша сөйлеу дағдыларын көрсетуге мүмкіндік береді.
