І.Жансүгіров атындағы Жетісу университеті 2022 жылғы 18 қарашада «Қоғамның экономикалық-құқықтық дамуының өзекті мәселелері» атты халықаралық ғылыми-тәжірибелік конференциясын өткізді.
Конференция жұмысының бағыттары:
- Қазақстан Республикасының құқығы мен экономикасын дамытудың өзекті мәселелері
- Өңірлер мен мемлекет экономикасы жағдайында педагогикалық білім беруді дамыту
Конференцияның ресми тілдері: қазақ, орыс, ағылшын.
Конференция аралас форматта өтті.
Конференцияның мақсаты-жаһандық сын-қатерлер жағдайында қоғамның, экономиканың және құқықтың өзекті мәселелерін талқылау және оларды шешу бойынша ұсыныстар әзірлеу.
Пленарлық мәжілісте ТМД елдердің ғалымдары – Қырғыз Республикасының, Ресей Федерациясының өкілдері, сондай-ақ мемлекетіміздің университеттерінің ғалымдары қатысты.
Конференция материалдарының жинағында жариялауға 30 ғылыми мақала қабылданды.
