1. Визалық-миграциялық қолдау

• Қазақстанға оқу визасын алу үшін ресми шақыру хаттарын дайындау және беру.
• Виза режимінің талаптары, визаның жарамдылық мерзімі және шекарадан өту ережелері бойынша кеңес беру.
• Миграциялық қызмет органдарында тұратын жері бойынша тіркелуге жәрдемдесу. Визаны немесе уақытша тұруға рұқсатты ұзарту кезінде қолдау көрсету.
• Қазақстандағы шетел азаматтарының болу ережелері туралы хабардар ету (айыппұлдар, шектеулер, жауапкершілік).
• Шұғыл миграциялық жағдайларда сүйемелдеу (құжат жоғалту, шұғыл ұзарту қажеттілігі).

2. Әкімшілік және ақпараттық қолдау

• Ресми анықтамалар мен хаттарды дайындау (оқуға қабылдау, оқу фактісі, жатақханада тұруды растау, банкке және т.б. арналған).
• Құжаттарға апостиль қою және заңдастыру, дипломдар мен сертификаттарды мойындау рәсімдері бойынша кеңес беру.
• Медициналық сақтандыру рәсімдеуге, банк шотын ашуға, ЖСН (жеке сәйкестендіру нөмірі) алуға көмек көрсету.
• Университеттегі және Талдықорған қаласындағы студенттік өмір туралы ақпараттық материалдар беру.
• Өтініштерді тапсыруға және онлайн-нысандарды толтыруға жәрдемдесу (мысалы, мемлекеттік порталдар үшін).
• Факультет деканаттарымен және университеттің басқа да әкімшілік бөлімдерімен байланыс орнату.

3. Жеке қолдау

• Әрбір шетелдік студентке бейімделуге және тұрмыстық әрі академиялық мәселелерді шешуге көмектесетін куратор-тәлімгерді бекіту.
• Оқу, тұрмыс және мәдениетаралық коммуникация бойынша жеке кеңестер.
• Шұғыл жағдайларда қолдау көрсету: медициналық көмек, құжаттарды жоғалту, төтенше оқиғалар.
• Мәселелерді талқылау үшін Орталық қызметкерлерімен жеке кездесулер мен кеңестер ұйымдастыру.
• Студенттерге мемлекеттік құрылымдарға жүгінгенде (банктер, миграциялық полиция, медициналық ұйымдар) сүйемелдеу.
• Университет ережелері мен заңнамадағы маңызды өзгерістер туралы студенттерді жеке хабардар ету.
• Кері байланыс жүйесін құру: студенттерге кез келген уақытта Орталық қызметкерлеріне (онлайн және офлайн) жүгіну мүмкіндігі.
• Жетісу университетінің студенттік қауымдастығына шетелдік студенттердің интеграциялануына қолдау көрсету (кездесулер, шағын тренингтер және жеке кеңестер арқылы).

Байланыс ақпараты

Мекен-жайы: Жансүгіров көш., 187А

Email: intercenter@zu.edu.kz

Тел.: +7 7282 401019