ҚАУЫМДАСТЫҚ ТУРАЛЫ
Құрметті І. Жансүгіров атындағы Жетісу университетінің түлектері!
45 жылдан астам уақыт бойы біздің университет ҚР Білім беру жүйесіне, ғылымға үлкен үлес қосып келеді. Осы уақыт ішінде біздің университеттің түлектері әртүрлі салаларда жұмыс істейді. Олардың арасында ғалымдар, оқу орындарының басшылары, жоғары білікті мамандар бар. 2009 жылы І. Жансүгіров атындағы Жетісу университетінің «Түлектер Қауымдастығы» құрылды. Жүздеген түлектерді біріктіріп, университеттегі студенттік жылдарды, курстастары мен оқытушыларын жылы шыраймен еске алды.
Қауымдастықтың басты мақсаты мен міндеті — Қазақстан Республикасының әлеуметтік‑экономикалық мәселелерін шешуге бағытталған түлектердің интеллектуалдық, шығармашылық күштері мен іскерлік әлеуетін біріктіру, сонымен қоса, түлектердің жеке өмірлерінде және өз тәжірибелерінде жиі кездесетін мәселелердің нәтижелі шешімдерін табу, университеттің стратегиялық дамуына жәрдемдесу. Біздің жұмысымыздың мақсаты – түлектердің барлығын біріктіру мен олардың әлеуметтік және іскерлік қызметіне жәрдемдесу болып табылады.
Бүгінгі таңда, І. Жансүгіров атындағы Жетісу университетінің «Түлектер Қауымдастығының» жұмыстары жалғасуда.
БІЗДІҢ ТҮЛЕКТЕРІМІЗ
Бекіш Азамат Әбділқаилұлы
«Өрлеу» біліктілікті арттыру ұлттық орталығы» АҚ «Астана қаласы бойынша Кәсіби даму институтының» директоры.
2007-2011 жж. 5В011400-«Тарих» мамандығының түлегі
Керімбек Болат Бақбергенұлы
Қазақстан Республикасы Парламенті Мәжілісінің депутаты.
1999-2004 жж. – І.Жансүгіров атындағы Жетісу мемлекеттік университеті «Тарих, құқық және экономика» мамандығы бойынша түлегі.
Түктібаева Айнүр Орманбековна
2022 жылы «Жетісу облысының үздік педагогы».
2001-2005 жж. І.Жансүгіров атындағы ЖМУ. «Тарих, құқық және экономика негіздері» мамандығы бойынша түлегі
