2023 жылдың 17 қарашасында І. Жансүгіров атындағы Жетісу университеті «7M01701-Қазақ тілі мен әдебиеті» білім беру бағдарламасының 2 курс магистранттарының ұйымдастыруымен 6В01701-Қазақ тілі мен әдебиеті және 6В02301-Филология білім беру бағдарламаларының 2-4 курс білімгерлері арасында Қайрат Жолдыбайұлының «КЕМЕЛ АДАМ» кітабының мазмұны бойынша «БОЛАШАҚ ИДЕАЛЫ – КЕМЕЛ АДАМ» тақырыбында дөңгелек үстел ұйымдастырылды. Іс-шара барысында қоғамда адам болып қалыптасу үшін не керек? Абай айтқан «ақыл мен қайрат» адамды адам ретінде қалыптасуы үшін жеткілікті ме? Кемелдіктің шыңы не? деген мәселелер бойынша студенттер өз ойларымен бөлісті. Білімгерлер қазақ қоғамында түпсананың өзгеруіне ішкі әлемін тану мен адамзаттың бәрін бауырым деп сүйетін рухани толығу жолындағы мазмұнды ойларын айтты.
