І. Жансүгіров атындағы Жетісу университетінде 2023 жылғы 30 қарашада «Гендерлік зорлық-зомбылыққа қарсы 16 күндік белсенді әрекет» науқанының шеңберінде Канада елшісімен кездесу ұйымдастырылды.
Жиында гендерлік теңсіздікке қарсы бағытталған шаралар аясында өткен кейс чемпионатының жеңімпаздарын салтанатты марапаттау рәсімі өтті. Жобалар байқауына университеттің жоғары мектептері қатысты.
Оның қорытындысы бойынша Гуманитарлық ғылымдар жоғары мектебінің «NewGen көшбасшылары» командасы (жетекшісі – Алтай А.А) ұсынған жоба үздік деп танылып І орынды иеленді. Шара барысында топ мүшелері: Серік Роза, Жандар Жансая, Бақытжанқызы Айкүнім, Бөлекбай Абылай және Ерікұлы Бекнұр елші қолынан алғыс хат пен естелік сыйлықтар алды.
Жеңімпаздар мен ұжымды құттықтаймыз!
