2024 жылғы 6 мамыр күні Таулы Алтай мемлекеттік университетінің ғалымдары п.ғ.д., профессор Темербекова Альбина Алексеевна және ф.-м.ғ.к., доцент Байгонакова Галия Аманболдыновна жаратылыстану жоғары мектебінде ғылыми семинар өткізді. Семинарға жаратылыстану жоғары мектебінің жас ғалымдары, докторанттары мен магистранттары қатысты.
Семинар барысында ғалымдар «Құзыреттілік және аксиологиялық тәсілдер негізінде шағын өңірдің білім беру жүйелерін дамыту» ғылыми мектебі жұмысының нәтижелерін таныстырды. Бұл ғылыми мектеп ғалымдардың тығыз, тұрақты, коммуникативті қарым-қатынасының, ғылыми идеялармен алмасудың және нәтижелерді талқылаудың консолидациясы болып табылады. Тыңдаушыларды Таулы Алтай мемлекеттік университетінде өткізілетін ғылыми зерттеулер мен ғылыми іс-шаралар тақырыптары қызықтырды.
