Академиялық ұтқырлық

Ішкі академиялық ұтқырлық бағдарламасы студенттердің терең білім алып, тәжірибе алмасуында өз нәтижесін беріп келеді. Осындай игі істердің бірі Әл-Фараби атындағы Қазақ ұлттық университетімен бірлесіп жасалуда.

Ішкі академиялық ұтқырлық аясында аталған оқу ордасының Журналистика факультетінің Баспасөз және электронды БАҚ кафедрасы меңгерушісінің ғылыми-инновациялық және халықаралық байланыстар жөніндегі орынбасары философия докторы (PhD),  Алимжанова Айкерим Болатовна 10.10.2024-02.11.2024 ж. уақыт аралығында І.Жансүгіров атындағы Жетісу университетінің 6В03202 «Қоғаммен байланыс» білім беру бағдарламасының 3-курс білім алушыларына «Медиа сараптама негіздері» пәнінен дәріс өтуде.

Акамедиялық ұтқырлық бағдарламасының басты мақсаты бойынша білімгерлердің білікті маманның тәлім-тәжірибесімен сусындай алуына үлкен мүмкіндік бере отырып, сонымен қатар іскерлік байланысты  дамыту болып отыр. Игі бастамалар жалғасын тауып, білікті мамандар даярлау үрдісі жетілдіріле бермек.