2024 жылғы 23 қарашада Фесенков атындағы астрофизика обсерваториясына экскурсия ұйымдастырылды. Экскурсияға ФПҚ-411 тобының студенттері оқытушы-дәріскер Қуатбаева Д.Е. және оқытушы-ассистент Жақпаев Қ.Р. жетекшілігімен қатысты. Студенттер Сатурн планетасын, аспандағы жарық жұлдыздардың бірі Альтаирді және бірнеше шоқжұлдызды тамашалап, астрономия әлемінің кереметтерімен танысты. Экскурсия барысында студенттерге Сихотэ-Алинь метеоритінің тарихы мен ерекшеліктері туралы баяндалды. Бұл метеорит 1947 жылы Ресейдің Қиыр Шығысында жерге құлаған. Экскурсия барысында студенттер ғарыштық денелер туралы жаңа мәліметтер алып, қызықты сұрақтарға жауап алды. Бұл сапар олардың таным көкжиегін кеңейтіп, ғылымға деген қызығушылығын арттыруға септігін тигізді.
