І. Жансүгіров атындағы Жетісу университетінің Басқарма Төрағасы – Ректор Ермек Бөрібаев Камерино университетінің профессоры Тициано Волатилиді қабылдады.
Профессор 18 қараша — 6 желтоқсан аралығында Жаратылыстану-техникалық факультетінің Экология және ауыл шаруашылығы ғылымдары кафедрасы «Тіршілік және қоршаған орта қауіпсіздігі» білім беру бағдарламасының 3-курс студенттеріне «Табиғи және техногендік төтенше жағдайлар» пәні бойынша дәріс оқып, практикалық сабақтар жүргізуде.
Кездесу барысында Ермек Әбілтайұлы профессорға академиялық ұтқырлық бағдарламасын жүзеге асыру мүмкіндігі үшін алғысын білдіріп, әлемдегі ең көне жоғары оқу орындарының бірімен ынтымақтастықты кеңейтуге дайын екенін білдірді.
Профессор Тициано Волатили өз кезегінде Қазақстанға келгеніне қуанышты екенін айтып, университет ұжымының қонақжайлық танытқанына ризашылығын білдірді.
Сонымен қатар, кездесу аясында бірлескен ғылыми жұмыс, халықаралық бағдарламаларды іске асыру және білім алушылар мен ПОҚ-пен алмасу мәселелері талқыланды.
Айта кетейік, 2024 жылғы 25 қазанда екі университет арасында Erasmus+ Key Action 171 бағдарламасын іске асыру туралы шартқа қол қойылды. Аталған бағдарлама шеңберінде Жетісу университетінің білім алушысы Камерино университетінде 2025 жылғы наурыздан шілдеге дейін «Табиғи апаттар, табиғи апаттармен күресу және қатерлерді азайтуды жоспарлау» бағыты бойынша оқуға мүмкіндік алады.
#SDG #ЦУР #ТДМ
