Бүгін Ілияс Жансүгіров атындағы Жетісу университетінде студенттер арасында Дзюдо күресінен сайыс өтті. Спорттық іс-шара университеттің дене шынықтыру және спорт кафедрасының бастамасымен студенттердің спортқа деген қызығушылығын арттыру және салауатты өмір салтын насихаттау мақсатында ұйымдастырылды.
Сайысқа бес факультет және колледжден жиырмадан астам жас спортшы қатысты. Айта кетерлігі аталмыш шараға қонақ ретінде арнайы келген Сидней олимпиядасының қола жүлдегері Айдын Смағұлов құттықтау сөзін сөйлеп, жас буынға сәттілік тіледі. Университеттің бас ғимаратында өткізілген боз кілемдегі тартысты белдесулер көрермендерді ерекше әсерге бөледі. Нәтижесінде Гуманитарлық факультет Журналистика кафедрасы ЖҚ411 топтың студенті Санжар Сұлтанғазы 100 келі салмақ дәрежесінде бас жүлдені қанжығасына байлады.
Дода соңында жеңімпаздар арнайы алғыс хат, бағалы сыйлықпен және Баcқарма Төрағасы – Ректор кубогімен марапатталды.
