2024 жылғы 29 қарашада Алматы қаласы Абай атындағы Қазақ ұлттық педагогикалық университетінде «Тұрақты даму мақсаттары контекстінде жаратылыстану ғылымдары мен білім беруді дамыту мәселелері» атты ІІІ Халықаралық Жастар ғылыми форумы өтті.
І.Жансүгіров атындағы Жетісу университетінің жаратылыстану-техникалық факультетінің 6В05201-Экология білім беру бағдарламасының 1 курс білімгерлері Серікқызы Нұрай мен Әділбекова Алуа осы маңызды іс-шарада өздерінің жоғары оқу орындарын абыроймен таныстырды! Ғылыми жетекшісі — оқытушы-лектор, магистр Р.А. Мұхитдинова.
Форумның негізгі мақсаты — тұрақты даму идеяларына сәйкес қазіргі заманғы жаратылыстану ғылымдары мен білім берудің даму үрдістерін талдау. Жиын барысында жетекші шетелдік сарапшылардың қатысуымен конференциялар мен пікірталастар өтті, бұл қатысушыларға тәжірибе алмасуға және өзекті мәселелерді талқылауға мүмкіндік берді.
Мұндай іс – шаралар болашақ табыстардың кілті болып табылады!
#SDG #ЦУР #ТДМ