І.Жансүгіров атындағы Жетісу университеті гуманитарлық факультетінің қауымдастырылған профессоры Назгүл Байғабатова және ғылыми жобалар офисінің менеджері Әлия Қашағанова Швеция корольдігінің Лунд университетінде екі айлық ғылыми тағылымдамадан өтіп жатыр.
Олар жоба шеңберіндегі зерттеулері бойынша презентацияларын өткізіп, мақалалар дайындап, өздерінің ғылыми әуелетін шындауда. Сондай-ақ, Лунд университеті әлеуметтік ғылымдар факультетінің ғылыми іс-шараларына қатысып, еуропалық әріптестермен іс-тәжірибе алмасуға мүмкіндік алды.
Тағылымдама барысында MOCCA жобасының ғылыми жетекшісі, профессор Рустамжон Уринбоевпен консультациялар жүргізіліп, жобаны жүзеге асырудың алдағы жоспарлары талқыланды. https://www.soclaw.lu.se/en/research/guest-researchers
Әлемдік университеттердің жүздігіне кіретін Лунд университеті 2024 жылы QS рейтингісі бойынша 75-ші, ал Times Higher Education рейтингісінде 95-ші орынға ие болды. https://www.topuniversities.com/universities/lund-university
MOCCA жобасы посткеңестік Орталық Азияның бес еліндегі сыбайлас жемқорлықтың көп деңгейлі тәртібіне пәнаралық зерттеулер жүргізу арқылы сыбайлас жемқорлыққа қарсы жаһандық және ұлттық күш-жігерге үлес қосуға арналған зерттеу.
Жобаны 9 еуропалық және 10 ортаазиялық университеттердің және ғылыми ұйымдардың ғалымдары жүзеге асыруда. https://www.mocca.lu.se/mocca-project
#SDG #ТДМ #ЦУР
#SDG #ТДМ #ЦУР