Құзыреттілік және қосымша білім беру орталығы «Асыл қазына университеті» жобасы аясында 2024 жылдың 18 — 30 қараша аралығында университеттің жасы 50+ оқытушылары мен қызметкерлеріне арнап «Тоғыз құмалақ ойын ережелерін үйрену» бағдарламасы бойынша оқыту ұйымдастырды.
Тоғыз құмалақ — қазақтың ақыл-ойды дамытуға арналған ұлттық ойындарының бірі. Бос уақытта мидың жұмыс қабілетін жетілдіретін осындай ұлттық ойындарды ойнаудың пайдасы зор. Оқытуды Гуманитарлық факультетінің оқытушы-дәріскері Дәулеткерей Мүлік жүргізді. Курс тыңдаушылары ойын ережелерін меңгергендерін қорытынды сабақта тоғыз құмалақ ойнаудан жарыс өткізу арқылы көрсетті.
#SDG #ЦУР #ТДМ
