І. Жансүгіров атындағы Жетісу университеті Камерино университетімен (Камерино қ., Италия) ынтымақтастық туралы меморандумға қол қойды. Камерино университеті – әлемдегі ең көне және беделді университеттердің бірі, оның тарихы 1336 жылдан басталады.
Жаңа серіктестік Жетісу университетінің білім алушылары мен оқытушылары үшін кәсіби және академиялық өсуге бағытталған бірегей мүмкіндіктерді ұсынады.
• Оқытушылар және зерттеушілердің алмасуы;
• Студенттердің алмасуы;
• Тағылымдама және студенттік сапарларды ұйымдастыру;
• Академиялық ақпарат пен материалдар алмасу;
• Бірлескен білім беру бағдарламаларын ұйымдастыру;
• Бірлескен зерттеу бағдарламаларын жүзеге асыру;
• Бірлескен конференциялар ұйымдастыру.
Бұл ынтымақтастық Жетісу университетінің білім және ғылым орталығы ретіндегі мәртебесін нығайтуға, мүмкіндіктерін кеңейтуге, озық тәжірибелерді енгізуге деген ұмтылысын айқындайды.
Білім ордасы халықаралық байланыстарды дамыту арқылы еңбек нарығында бәсекеге қабілетті жоғары білікті мамандарды даярлауға қолайлы жағдай жасауда.
Екі университет арасындағы серіктестік нәтижелі болады деп сенеміз.
#SDG #ЦУР #ТДМ