🎓 Құзыреттілік және қосымша білім беру орталығының базасында «Қазіргі жағдайда географияны оқытуда STEAM-білім беруді қолдану» тақырыбында біліктілікті арттыру курсы өтті. Курстың бағдарламасын «География» білім беру бағдарламасының докторанты Роза Мухитдинова диссертациялық зерттеу нәтижелері негізінде әзірледі.

Курс Жетісу облысының орта мектептері мен колледждерінің география мұғалімдеріне, жаратылыстану пәндері кафедрасының оқытушыларына, сондай-ақ «География» білім беру бағдарламасының докторанттарына арналды.

Курс аясында тыңдаушылар STEAM-білім берудің негізгі принциптері және мақсаттарымен танысты, STEAM-ді географияны оқыту процесіне интеграциялау әдістерін игерді, STEAM-жобаларды әзірлеуді және іске асыруды үйренді.

#SDG #ЦУР #ТДМ