2025 жылғы 8 қаңтарында І.Жансүгіров атындағы Жетісу университеті гуманитарлық факультетінің тарих және әлеуметтік-гуманитарлық пәндер кафедрасында ««HORIZON бағдарламасының MOCCA жобасы: ғылыми тағылымдама нәтижелері» тақырыбында семинар өтті.
Семинар спикерлері – гуманитарлық факультетінің қауымдастырылған профессоры, тарих ғылымдарының кандидаты Н. Байғабатова және жобалық кеңсенің менеджері А. Қашағанова. Олар MOCCA жобасының қатысушылары ретінде 2024 жылдың 1 қарашасы мен 30 желтоқсаны аралығында Швециядағы Лунд университетінде (https://www.soclaw.lu.se/en/research/guest-researchers) екі айлық ғылыми тағылымдамадан өтіп, өздерінің зерттеу дағдыларын жетілдірді.
Семинар барысында спикерлер жоба туралы ақпарат беріп, ғылыми тағылымдаманың нәтижелерімен бөлісті. HORIZON бағдарламасы қаржыландыратын MOCCA жобасы – бұл жаһандық және ұлттық деңгейде жемқорлықты талдау және оған қарсы күресу мақсатында жүргізілетін аралас зерттеулерге арналған жоба. Жоба 9 еуропалық және 10 Орталық Азия университеті мен ғылыми ұйымдарының ғалымдары тарапынан жүзеге асырылуда (https://www.mocca.lu.se/mocca-project).
#SDG #ЦУР #ТДМ
