08-10.01.2025 ж. уақыт аралығында І.Жансүгіров атындағы Жетісу университетінің ұйымдастыруымен университеттің профессорлық-оқытушылық құрамының кәсіби шеберлігін жетілдіру, жаңа инновациялық технологияларды оқу процесіне енгізу мақсатында “Қысқы мектеп” педагогикалық шеберлік әдістемелік аптасы өтті.«Қысқы мектеп» әдістемелік апталығы аясында 2025 жылы 10 қаңтарда сағат 14.00-16.00 аралығында Жаратылыстану-техникалық факультетінің секциялық отырысы өтті. Секциялық отырыста б.ғ.к., Қазақ ұлттық қыздар педагогикалық университетінің биология кафедрасының қауымдастырылған профессоры Г.Д.Анарбекова, «Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Республикалық фитосанитариялық диагностика және болжамдар әдістемелік орталығы» РММ Жетісу облыстық филиалының басшысы Б.М.Атантаев, PhD, Жаратылыстану пәндері кафедрасының оқытушы-дәріскері Б.С.Керімбай және б.ғ.к., Жаратылыстану пәндері кафедрасының меңгерушісі Б.К.Оксикбаев баяндама жасады. Қарқынды баяндамалар, семинар-тренингтер қызу пікірталастармен, презентацияларды көрумен, тәжірибе алмасумен сүйемелденді. Секциялық жұмыс барысында қатысушылар пәндік салаға қатысты өзекті мәселелерді талқылап, өз көзқарастарын білдірді
