І.Жансүгіров атындағы Жетісу университетінің ұйымдастыруымен университеттің профессорлық-оқытушылық құрамының кәсіби шеберлігін жетілдіру, жаңа инновациялық технологияларды оқу процесіне енгізу мақсатында «Қысқы мектеп» педагогикалық шеберлік әдістемелік аптасы өтті. Апталық аясында Құқық және экономика факультетінің секциялық отырысы өтті. Секциялық отырыста құрметті қонақ ретінде з.ғ.к., Д.Қонаев университеті конституциялық, халықаралық құқық және кеден ісі кафедрасының доценті А.Д. Дархамбаева, э.ғ.к., Алматы менеджмент университетінің қауымдастырылған профессоры (доцент) Ж.С. Рахимбекова, Жетісу облысы Полиция департаментінің басшысының орынбасары М.Т. Омаров баяндама жасады.
Семинар-тренинг қызу пікірталас, түрлі презентациялар мен тәжірибе алмасу алаңы болды. Секциялық жұмыс барысында қатысушылар пәндік салаға қатысты өзекті мәселелерді талқылап, өз көзқарастарын білдірді.
