Бүгін І.Жансүгіров атындағы Жетісу университетінде ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Жетісу облысы бойынша департаментінің басшысы Саян Ахметжановтың профессор-оқытушылар құрамы және студенттермен кездесуі өтті. Кездесуді Басқарма төрағасы-ректор Ермек Бөрібаев жүргізіп, жиынның мақсатына тоқталды.
Кездесуде департамент басшысы С.Ахметжанов еліміз бойынша сыбайлас жемқорлыққа қарсы жүргізілген іс-қимыл шараларына тоқталып, облыс бойынша орын алған сыбайлас жемқорлық фактілеріне тоқталды. Жиынға қатысушыларға бейне роликтер көрсетіп, сыбайлас жемқорлықтың пайда болу себептерін түсіндірді. «Бәріміз жауапкершілікті сезініп, адалдық, әділдік және ашықтық қағидаттарын ұстануымыз қажет. Біздің мақсатымыз – қоғамда сенім мен тұрақтылықты орнату. Осы бағытта бірлесе жұмыс атқарып, жемқорлықты түбегейлі жеңуге күш салайық»-деді Саян Қылышұлы.
Жиынды ректор Ермек Әбілтайұлы қорытындылап, сыбайлас жемқорлықпен күресу – тек мемлекеттік органдардың ғана емес, әрбір азаматтың ортақ міндеті екенін айтты.
#SDG #ЦУР #ТДМ
