Бүгін І.Жансүгіров атындағы Жетісу университетіне Сенат депутаты Амангелді Толамисов арнайы келді.
Халық қалаулысы алдымен Басқарма төрағасы – ректор Ермек Бөрібаевпен кездесіп, оқу орнының тыныс-тіршілігімен, қабылдау комиссиясының жұмысымен танысты.
Жұмыс сапары барысында Амангелді Ғабдылкәрімұлы университет базасында ашылған Марке политехникалық университетінің филиалына да арнайы ат басын бұрды. Облысқа қажетті аграрлық сала мамандарын даярлау, қос дипломды білім беру бағдарламасы бойынша атқарылып жатқан жұмыстарды көрді.
Биотехнология және экология ғылыми-зерттеу институтын, Академиялық артықшылық және Speed breeding орталығын аралап, жас ғалымдардың ғылыми-зерттеу жұмыстарына қызығушылық танытты.
Сенат депутаты Амангелді Толамисов Жетісу университетінің инфрақұрылымы мен ғылыми әлеуетіне жоғары баға беріп, алдағы жұмысына сәттілік тіледі.
#SDG #ЦУР #ТДМ