2 қыркүйек 2025 жылы І.Жансүгіров атындағы Жетісу университетінің Гуманитарлық факультеті, Шетел тілдері және аударма ісі кафедрасының 2025–2026 оқу жылына арналған алғашқы мәжілісі өтті. Жиынды кафедра меңгерушісі Жабыкбаева Динара Маратовна ашып, ұжым мүшелерін жаңа оқу жылының басталуымен құттықтады. Ол жаңа жылға арналған кафедраның жылдық жұмыс жоспарын таныстырып, бекітті. Сонымен қатар, әр оқытушыға жүктемелер мен негізгі міндеттер тапсырылды. Жиналыста жаңа оқу жылына байланысты әдістемелік құралдар дайындау, ғылыми мақалалар жариялау, студенттердің білімге деген ынтасын арттыру мақсатында түрлі тәрбиелік әрі ғылыми-шығармашылық іс-шараларды ұйымдастыру жоспарлары нақтыланды.
