2025 жылғы 4 желтоқсанда ғылыми жұмыс жөніндегі деканның орынбасары Асылжан Омаровна Есимбекова Кар-Ниязи атындағы Ұлттық тәрбие педагогикасы институты (Ташкент қ., Өзбекстан) ұйымдастырған «Тұлғалық мәнді білім беру мен тәрбиені ұйымдастырудың инновациялық модельдері және оны педагогикалық үдеріске трансформациялау тетіктері» атты Республикалық ғылыми-тәжірибелік конференцияға қатысты.
Конференцияның мақсаты – Өзбекстан Республикасында және шетелдерде үздіксіз білім беру жүйесінде тұлғаны тәрбиелеудің өзекті мәселелерін талдау, озық халықаралық тәжірибені зерделеу және оны ұлттық білім беру мен тәрбие жүйесіне енгізу жолдарын анықтау, сондай-ақ тәрбиелік-білім беру үдерісін одан әрі дамыту бойынша басым бағыттарды белгілеу болды.
Конференция аясында А.О. Есимбекова «Transforming project-based research into personally meaningful professional education through research imprint» тақырыбында баяндама жасап, тұлғалық мәнді білім беруді ұйымдастырудың инновациялық моделін және оны педагогикалық тәжірибеге трансформациялайтын тетіктерді таныстырды. Ұсынылған ғылыми тұжырымдар қатысушылар тарапынан жоғары кәсіби қызығушылық тудырып, заманауи педагогикалық кеңістіктегі тәрбие және білім беру практикаларын жаңғырту стратегиялары жөніндегі пікірталасты тереңдете түсті.
Асылжан Омарқызы Есимбекованың конференцияға қатысуы ғылыми ынтымақтастықты нығайтып, кәсіби байланыстарды кеңейтті және ұлттық әрі халықаралық білім беру қауымдастығында өзекті педагогикалық идеялардың таралуына ықпал етті.
