2026 жылдың 13 ақпанында І.Жансүгіров атындағы Жетісу университеті қабырғасында «Заң және тәртіп» тақырыбында Ақпараттық технологиялар және жасанды интеллект кафедрасының оқытушы-ассистенті Б.Серіков кураторлық сағат ұйымдастырды. Іс-шараға «Ақпараттық жүйелер» білім беру бағдарламасының АЖҚ121 топ білімгерлері қатысты.
Іс-шараның негізгі мақсаты — студенттердің құқықтық сауаттылығын арттыру және қоғамдағы заң үстемдігі мен тәртіпті сақтаудың маңыздылығын түсіндіру. Сонымен қатар: Студенттер арасында құқық бұзушылықтың алдын алу. Жастардың бойында жауапкершілік пен азаматтық ұстанымды қалыптастыру.Университет ішіндегі және қоғамдық орындардағы этикалық нормаларды түсіндіру.
ҚР заңнамасына сәйкес құқық бұзушылықтардың салдары. Ақпараттық технологиялар мамандары ретінде желідегі қауіпсіздік пен заңдылықты сақтаудың маңызы. Университет қабырғасындағы тәртіп және оқу процесіндегі заңдылықтар.
Кездесу соңында студенттер өздерін мазалаған сұрақтарын қойып, заң алдындағы жауапкершілік пен құқықтық мәдениет туралы пікір алмасты. Оқытушы Б. Серіков болашақ IT мамандары үшін тек білім ғана емес, сонымен қатар жоғары деңгейдегі тәртіп пен заңға бағыну — табысты мансаптың кепілі екенін атап өтті.
