2026 жылы 4 наурыз күні Жетісу облысының мәдениет, архивтер және құжаттама басқармасының қолдауымен, Жетісу облысы Мұхамеджан Тынышбайұлы атындағы тарихи-өлкетану музейінің ұйымдастырумен Алаш қайраткері, реформатор Барлыбек Сырттанұлының 160 жылдығына арналған «Ұлт көшбасшысы: Тәуелсіздік жолындағы тағдыр» тақырыбындағы дөңгелек үстел өтті.
Аталған іс-шараға Жетісу университеті Гуманитарлық факультеті Тарих және әлеуметтік-гуманитарлық пәндері кафедрасының оқытушы-дәріскері, магистр Хуанган Онербек қатысып, Барлыбек Сырттанұлының өмір жолы, қызметі, тәуелсіздік жолындағы ерен еңбектері туралы кең көлемде насихаттау жұмыстары қажеттігін атап көрсетіп, өз баяндамасымен бөлісті.
