Өзбекстан журналистика және бұқаралық коммуникациялар университетінде «Аудиовизуалды журналистиканың мәселелері, даму стратегиялары және стандарттарды үйлестіру» тақырыбында халықаралық конференция өтті. Іс-шараға түрлі мемлекеттерден зерттеуші-ғалымдар, журналистер мен сарапшылар қатысты.
Қазақстанның бірнеше жоғары оқу орнынан келген ғалымдар да конференция жұмысына белсенді қатысып, баяндама жасады. І. Жансүгіров атындағы Жетісу университеті атынан журналистика кафедрасының меңгерушісі, PhD доктор Каримова Б.Ж. қатысып, мазмұнды баяндама оқыды.
Сапар аясында университеттер арасында ынтымақтастық туралы меморандумға қол қойылды. Алдағы уақытта академиялық ұтқырлық бағдарламасы шеңберінде оқытушылар мен студенттер өзара тәжірибе алмасуға мүмкіндік алады.
#SDG #ЦУР #ТДМ
