«І. ЖАНСҮГІРОВ АТЫНДАҒЫ ЖЕТІСУ УНИВЕРСИТЕТІ» КЕАҚ және «IT HUB – JETISU DIGITAL» ЖШС арасында ӨЗАРА ЫНТЫМАҚТАСТЫҚ ТУРАЛЫ МЕМОРАНДУМҒА қол қойылды
2024 жылдың 22 мамырында «І. Жансүгіров атындағы Жетісу университеті» КЕАҚ Басқарма Төрағасы – Ректоры Бурибаев Ермек Абилтаевич және «IT HUB – JETISU DIGITAL» ЖШС директоры Аблаев Талгат Муратханович өзара ынтымақтастық туралы меморандум жасасты. Бурибаев Ермек Абилтаевич пен Аблаев Талгат Муратханович алғы сөз сөйледі. Кездесуде ынтымақтастық жөніндегі мақсаттар мен алдағы жоспарлар талқыланды, соның ішінде:
— Жоғары, жоғары оқу орнынан кейінгі және үздіксіз білім беру саласында адами капиталды дамытуға жәрдемдесу;
— Бірлескен білім беру бағдарламалары мен курстарды әзірлеу және жүргізу;
— Бірлескен білім беру және кәсіби іс-шараларды (форумдар, конференциялар, семинарлар, көрмелер және т. б.) ұйымдастыру және өткізу, сондай-ақ осындай іс-шараларға үшінші тұлғаларды тарту және/немесе өзара мүдделерін білдіру;
— Бірлескен ғылыми-зерттеу бастамаларын іске асыру;
— Тараптардың құзыреті шеңберінде өзара ұйымдастырушылық, консультациялық және ақпараттық-талдамалық қолдау;
— Тараптардың келісімі бойынша науқандар, редакциялық материалдар мен әлеуметтік желілердегі ескертулер, сондай-ақ логотиптер мен фирмалық атауларды өзара пайдалану арқылы брендтің өзара танылуына жәрдемдесу;
— Ақпараттық технологиялар және цифрландыру саласында ғылыми-зерттеу, әдістемелік, жобалау және енгізу жұмыстарын бірлесіп жүзеге асыру;
— Зияткерлік меншік құқықтарын қорғауға жәрдемдесу.
Кездесу барысында Аблаев Талгат Муратханович IT және робототехника саласына қызығушылық танытқан қатысушыларға Tech Ordа білім беру бағдарламасына және IT HUB – JETISU DIGITAL ұсынған бағдарламаларға қатысу мүмкіндіктері туралы айтып берді.