Алдын алу жұмыстары аясында Жетісу университетінің психологы Г.Б. Исламжанова студенттердің «Облыстық психикалық денсаулық орталығына» және Наркологиялық диспансерге баруын ұйымдастырды.
Студенттер нарколог-дәрігерлердің жұмысымен танысып, зертхана мен қабылдау бөлімін аралап, айықтырғыштың не екенін білді. Олар алкоголь мен есірткіге тестілеудің қалай жүргізілетінін тәжірибе жүзінде көрді. Жетісу облыстық Психикалық денсаулық орталығының нарколог-дәрігері, психиатр Максат Бейбитович Ергабылов орталықтың қызметкерлерінің кәсіби қызметі туралы айтып берді.
Сонымен қатар, студенттер бірнеше жыл бойы есірткіге тәуелді болған, бірақ орталықтың психологтары мен дәрігерлерінің қолдауымен одан арылған ерікті Сания М.-мен кездесті. Сания өз тарихымен бөлісіп, есірткінің денсаулыққа тигізетін зиянына баса назар аударды және студенттердің сұрақтарына жауап берді. Оның эмоционалды әңгімесі көптеген студенттердің жүрегіне жетіп, іс-шара соңында ол қатысушыларды достары мен құрдастарына осындай жағдайларда көмектесуге шақырды.
Университет психологы Гульнара Балабекқызы студенттерге университет қабырғасында қолжетімді психологиялық қолдау және анонимді көмек көрсету мүмкіндіктері туралы айтты.
#SDG #ЦУР #ТДМ