Оқытушы-дәріскер, PhD А.Т.Мамекованың жетекшілігімен «Жас психолог» ғылыми үйірмесі студенттер арасында ғылыми-зерттеу қызметін дамыту бағдарламасы аясында педагогика және психология факультетінің жетекші ғалымдарымен кездесу өткізді. «Бүгінгі маман – болашақ ғалым» атты іс-шарасы 2024 жылдың 1 қарашасында өтіп, заманауи ғылыми жетістіктерге және зерттеудің өзекті бағыттарына қызығушылық танытқан студенттер мен жас зерттеушілердің басын қосты.
Кездесу барысында ғалымдар өзекті мәселелерді шешуде ғылыми көзқарастың маңыздылығын айтып, студенттердің сұрақтарына жауап берді. Сонымен қатар, қатысушылар бірлескен ғылыми жұмыстың ықтимал жолдарын және студенттердің ғылыми жобаларға қатысу перспективаларын талқылады.
Ғалымдармен қарым-қатынас орнату студенттерді ғылыми пәндерді тереңдетіп оқуға шабыттандырғанын және алған білімдерін іс жүзінде пайдалану жолдарын жақсы түсінуге мүмкіндік бергенін атап өтті.
«Жас психолог» ғылыми үйірмесі барлық қатысушыларға алғысын білдіреді!
