І. Жансүгіров атындағы Жетісу университетінде 13-14 қараша күндері Талдықорған қаласының жалпы білім беру ұйымдарының түлектеріне арналған «Ашық есік» күні өтті. Шараға 400-ден астам оқушы қатысты.
Кездесу талапкерлерге жоғарғы оқу орны жайлы толық мағлұмат беріп, дұрыс таңдау жасауға жәрдемдесу мақсатында ұйымдастырылды.
«Ашық есік» күніне қатысушылар университет жүйесімен, құрылымдық бөлімдер жұмысымен, факультеттердің тынысымен танысты. Ғылыми зертханалар, «Huawei» кабинеті, Жастар орталығы, «Start up», кітапхана мен мұражай, жаттығу залы, бокс залы, әскери кафедра, университет бассейні мен арнайы оқу залдарында болды.
Таныстырылым кезінде университеттің білім беру бағдарламалары, ғылыми жобалар, жастарға арналған мүмкіндіктер жайында мағлұмат берілді. Сондай-ақ, Жетісу университетінің артықшылықтары, басқа жоғары оқу орындарымен байланысы, шетелдерде білім алу мүмкіндігі айтылды.
Жиынға қатысушылар университет оқытушылары және қызметкерлерімен кездесіп, көкейдегі сауалдарын қойды. Сондай-ақ, белсенді студенттермен студенттік өмір жайлы еркін форматта әңгіме құрды.
«Ашық есік» күніне қатысу арқылы оқушылар университетпен жақын танысып, жаңа көзқарас қалыптастырды. Бұл жастарға Жетісу университетінің студенті атанып, үздіктер қатарына қосылуға мүмкіндік береді.
#SDG #ТДМ #ЦУР