Құқық және экономика факультетінде академиялық ұтқырлық бағдарламасы шеңберінде қазақстандық ғалымдарды оқытушылық қызметке тарту үрдісі қарқынды жүзеге асырылуда. 2024 жылғы 01– 30 қараша аралығында Л.Н.Гумилев атындағы Еуразия ұлттық университетінің философия докторы (PhD), доценті м.а. Агыбетова Рина Есимкызы 6В11102 «Қонақ үй және мейрамхана бизнесі» білім беру бағдарламасының 4-курс бакалавриат (ҚМБҚ-411) білім алушыларына «Қонақ үйдегі гигиена және санитарлық қызмет көрсету» пәні бойынша, Әл-Фараби атындағы Қазақ ұлттық университетінің ғылым магистірі, аға оқытушысы Кыстаубаева Алма Казнашовна 6В04109 «Экономика және басқару» білім беру бағдарламасының 2-курс бакалавриат (ЭБҚ-211) білім алушыларына «Экономикадағы математика» пәні бойынша қашықтықтан сабақтарын өткізуде. Ішкі академиялық ұтқырлық аясындағы дәрістер студенттерге жаңа білім алу мен кәсіби дағдыларды дамытуға зор мүмкіндік береді. Олар тек теориялық біліммен шектелмей, практикалық тұрғыдан да тәжірибе жинақтап, әртүрлі оқу орындарында өткізілетін сабақтар арқылы өздерінің кәсіби дағдыларын жетілдіреді.
#SDG #ЦУР #ТДМ
