Springer Nature халықаралық ірі баспасы Scopus деректер базасында индекстелген жоғары бағаланатын «Global Energy Transition and Sustainable Development Challenges, Vol. 1, Vol. 2» кітаптар топтамасын шығарды. Бұл монографияны жазу үшін көптеген елдердің ғылыми топтары жұмыс істеді. Бұл ғылыми жұмыстың бірлескен авторы – «Ілияс Жансүгіров атындағы Жетісу университеті» КЕАҚ Басқарма төрағасы –ректорының кеңесшісі, экономика ғылымдарының докторы, доцент, ҚазҰЖҒА академигі Булат Хусаинов.
Монографияда ғалымдар әлемдік қоғамының қазіргі жағдайының мәселелері бойынша озық зерттеулерін ұсынған. Бұл еңбек әлеуметтану, география, тарих, экономика мәселелеріне қызығушылық танытатын барлық оқырмандарға арналған.
Мұндай беделді басылымда еңбек жариялау қазақстандық ғалымдар жүргізген зерттеулердің халықаралық деңгейде мойындалуын білдіреді.
#SDG #ЦУР #ТДМ
