І. Жансүгіров атындағы Жетісу университеті академиялық, мәдени және ғылыми қарым-қатынасты нығайту мақсатында Гранада университетімен (Гранада қ., Испания) келісімшарт жасасты.
Гранада университеті 1531 жылы құрылып, ғасырлар бойы оқыту дәстүрін қалыптастырған, байырғы жоғары оқу орнының бірі. Аталған университет Испанияның тарихы мен мәдениетіне тығыз байланысы бар білім және ғылым орталығы.
QS WUR әлемдік рейтингісінде Гранада университеті 431-орынды иеленеді. Негізгі бағыттары: экономика, заң, ақпараттық технологиялар, психология, гуманитарлық және жаратылыстану ғылымдары.
Екі университет ынтымақтастық аясында жаңа білім беру бағдарламаларын әзірлеп, академиялық ұтқырлық, бірлескен ғылыми жобаларды жүзеге асырып, өзара тәжірибе алмасады.
Әлемдік деңгейдегі университетпен ынтымақтастық халықаралық байланысты нығайтып, интернационалдандыруды одан әрі дамытуға жасалған маңызды қадам.
#SDG #ЦУР #ТДМ