Астанада «Жыл волонтері» халықаралық сыйлығын табыстау рәсімі өтті. Онда 46 қазақстандық волонтермен қатар, Әзірбайжан, Қырғызстан, Ресей және Түркия елдерінің волонтерлері де сыйлық иеленді. Солардың ішінде «Zhansugurov College»-нің оқытушысы Сатыпалды Наурызбаева бар. Ол сыбайлас жемқорлыққа қарсы күрес саясатын іске асырып, академиялық адалдық, әділдік және парасаттылық құндылықтарын нығайтуға қосқан үлесі үшін «Жыл волонтері – 2025» халықаралық сыйлығының «Құқық бұзушылық құрбандарына көмек көрсетуге белсенді қатысқаны үшін» номинациясы бойынша лауреат атанып, арнайы диплом және мүсіншемен марапатталды.
#SDG #ЦУР #ТДМ