2026 жылғы 4 ақпанда №10 орта мектеп-гимназиясында 6В01601 «Тарих» білім беру бағдарламасы бойынша ИсР-311 тобының студенті Сабитов Әлібек Оралұлы педагогикалық тәжірибе аясында 10 «В» сыныбында «Қазақ хандығының құрылуы – тарихи үдерістердің заңды нәтижесі» тақырыбында ашық сабақ өткізді.
Сабақ жұптық жұмыс түрінде ұйымдастырылды: оқушылар екі адамнан бөлініп, әрқайсысы танымдық және талдау тапсырмаларын орындады. Бұл тапсырмалар сыни ойлау мен тарихи сананы дамытуға бағытталды. Сабақ барысында студент сабақ құрылымын жоспарлау, уақытты тиімді бөлу және сыныппен нәтижелі қарым-қатынас орнату қабілетін көрсетті.
Ерекше назар қазіргі заманғы инновациялық және цифрлық білім беру технологияларын, соның ішінде жасанды интеллект құралдарын қолдануға аударылды. Бұл оқушылардың танымдық белсенділігін арттыруға, оқу материалының көрнекілігін қамтамасыз етуге және ақпаратты өз бетінше іздеу мен талдау жағдайын жасауға мүмкіндік берді. Мұндай технологияларды қолдану сабақтың жоғары әдістемелік және ұйымдастырушылық деңгейде өтуіне ықпал етті.
Ашық сабаққа педагогикалық тәжірибе жетекшісі, тарих және әлеуметтік-гуманитарлық пәндер кафедрасының оқытушысы Искакова Гүлдарья Мұбаряққызы қатысып, қолданылған әдістемелік тәсілдердің ойластырылғанын және сабақтың жаңартылған білім мазмұны талаптарына сай екенін атап өтті.
