2026 жылдың 19 ақпанында І.Жансүгіров атындағы Жетісу университеті қабырғасында «Академиялық ұтқырлық» жобасы аясында ішкі және сыртқы ұтқырлық бойынша Физика-математика факультетінің 1,2 курс білімгерлеріне семинар ұйымдастырылды. Іс-шараға толық 1,2 курсы білімгерлері және оқытушылар қатысты.
Семинардың басты мақсаты — білімгерлерді академиялық ұтқырлық бағдарламаларымен таныстыру және олардың халықаралық деңгейдегі білім алу мүмкіндіктерін кеңейту. Атап айтқанда:
Ішкі (Қазақстан ЖОО-лары арасында) және сыртқы (шетелдік серіктес ЖОО-лар) ұтқырлық бағдарламаларының ережелерін түсіндіру. Білімгерлерді шет тілдерін меңгеруге және бәсекеге қабілетті маман болуға баулу. Құжаттарды жинау, өтінім беру және гранттық бағдарламалар (Erasmus+, екі жақты келісімдер және т.б.) туралы толық нұсқаулық беру.
Шетелдік университеттерге бару шарттары, тілдік сертификаттардың (IELTS/TOEFL) маңызы. Қазақстанның жетекші ЖОО-ларында бір семестр оқу тәртібі. Өтінім беру кезеңдері және танылу (кредиттерді қайта есептеу) процесі. Студенттер мен оқытушылардың сұрақтарына жауап беру.
1-2 курс білімгерлері ерте жастан академиялық бағытын айқындап, тілдік дайындықтарын бастайды. Университеттің халықаралық деңгейдегі көрсеткіштерінің (рейтинг) артуына ықпал етеді. Білімгерлер арасында академиялық алмасу бағдарламаларына қатысуға деген қызығушылық деңгейі артады.
