19.03.2026 ж. физика-математика факультетінің студенттері арасында «Заң және тәртіп» акциясы аясында тәрбиелік мәні зор бейнефильм көрсетілді. Іс-шара барысында «есірткі жасырушы» тақырыбындағы бейнеролик ұсынылып, қазіргі қоғамдағы өзекті мәселелердің бірі кеңінен қозғалды.
Фильмде жастарды заңсыз әрекеттерге тарту жолдары, түрлі манипуляциялық тәсілдер және оның қауіпті салдары нақты мысалдар арқылы көрсетілді. Көрсетілімнен кейін студенттер арасында белсенді талқылау ұйымдастырылып, олар өз ойларымен бөлісіп, пікір алмасты. Талқылау барысында студенттер құқық бұзушылықтың зардаптары, жеке жауапкершілік және дұрыс шешім қабылдаудың маңыздылығы туралы ой қозғады.
Мақсаты: фильм мазмұнын талдау арқылы студенттердің құқықтық мәдениетін, сыни ойлау қабілетін және жеке таңдауға жауапкершілікпен қарауын қалыптастыру.
Міндеттері:
— жастарды құқыққа қайшы әрекеттерге тарту және манипуляция жасаудың типтік тәсілдерін көрсету;
— құқық бұзушылықтың жеке тұлғаға, отбасына, оқуына және болашақ мансабына тигізетін салдарын түсінуге ықпал ету;
— қылмыстық және әкімшілік жауапкершілік туралы базалық білімді бекіту;
— қауіпсіз мінез-құлық алгоритмін қалыптастыру: қауіпті қалай тану, қалай бас тарту және көмек алу үшін қайда жүгіну керектігін үйрету.
Іс-шара студенттердің құқықтық сауаттылығын арттыруға, қоғамдағы өз орнын түсінуге және заң талаптарын құрметтеуге бағытталды. Сонымен қатар, мұндай кездесулер жастардың саналы таңдау жасап, теріс әрекеттерден аулақ болуына ықпал ететіні атап өтілді.
