Ілияс Жансүгіров атындағы Жетісу университеті қабырғасында Foundation бағдарламасы аясында мазмұнды әрі тағылымы мол кездесу өтті. Шараның негізгі мақсаты – жастар арасында заң мен тәртіп идеологиясын түсіндіру, құқықтық мәдениетті қалыптастыру және қоғамдық жауапкершілікті арттыру.
Кездесуге шетелден келген білім алушылар белсенді қатысты. Атап айтқанда, Қытай және Моңғолия елдерінен келген 11 қандас студент, Пәкістаннан келген 1 докторант, сондай-ақ Өзбекстаннан академиялық ұтқырлық бағдарламасы бойынша білім алып жүрген 2 студент бас қосты. Бұл жиын түрлі мәдениет өкілдерінің басын біріктіріп, ортақ құндылықтар төңірегінде пікір алмасуға мүмкіндік берді.
Шара барысында қатысушыларға заң мен тәртіптің қоғамдағы маңызы, азаматтық жауапкершілік және құқықтық сауаттылық мәселелері кеңінен түсіндірілді. Сонымен қатар, студенттер өз ойларын ашық айтып, түрлі елдердегі құқықтық жүйе ерекшеліктері туралы пікір алмасты.
Кездесу еркін форматта өтіп, қатысушылар арасында ашық диалог орнады. Бұл өз кезегінде жастардың құқықтық санасын арттыруға, заңға деген құрметті қалыптастыруға оң ықпал етті.
Мұндай іс-шаралар – тек білім алмасу ғана емес, сонымен қатар халықаралық достықты нығайтып, ортақ құндылықтарды дәріптеудің жарқын үлгісі. Университет қабырғасында ұйымдастырылған бұл кездесу жастарды әділдікке, жауапкершілікке және заңды құрметтеуге үндейтін маңызды алаң болды.
#SDG #ЦУР #ТДМ
