Университет психологы Гульнара Балабекқызы және «Педагогика және психология» факультетінің 4-курс практиканты университет жатақханасында топтық тренинг өткізді.
Тренингтің мақсаты – студенттер арасындағы бірлік пен командалық жұмысты дамыту. Іс-шара өте тиімді өтті: қатысушылар логикалық тапсырмаларды қызығушылықпен орындап, шығармашылық және өнертапқыштық тапсырмалар бойынша жарысып, спорттық ептіліктерін де көрсетті. Сонымен қатар, сенімділік, тиімді қарым-қатынас және топпен жұмыс жасау дағдыларын дамытуға бағытталған жаттығулар орындалды.
Іс-шара кешкі уақытта Студенттер үйінің ауласында өтті. Бұл ерекше еркін әрі жайлы атмосфера қалыптастырып, қатысушылардың ашық әрі белсенді болуына ықпал етті. Барлығы достық және жылы қарым-қатынас аясында болды.
Студенттер ұйымдастырушыларға алғыс білдіріп, мұндай пайдалы тренингтерді жиі өткізуді сұрады. Кеш соңында ұйымдастырылған достық дискотека қатысушыларға көтеріңкі көңіл-күй сыйлап, жағымды әсер қалдырды.
#SDG #ЦУР #ТДМ