І. Жансүгіров атындағы Жетісу университетінде мәдени-әлеуметтік зерттеулер бағыты бойынша ғылыми семинар өтеді. Семинардың спикері — Карлов университетінің (Чехия) философия факультеті жанындағы Этнология және орталық-еуропалық және балкандық зерттеулер институты өкілі Гүлжан Досжанова. Ол антропология және этнология салаларында жинақтаған тәжірибесімен бөлісіп, тыңдаушылармен ғылыми пікір алмасады.
Семинардың тақырыбы — «Жерлеу рәсімдерінің трансформациясын және бейресми тәжірибелерді зерттеу». Кездесуде қазіргі қоғамдағы жерлеу дәстүрлерінің өзгеру үрдістері, олардың әлеуметтік-мәдени мәні, сондай-ақ бейресми тәжірибелердің қоғамдағы рөлі жан-жақты талқыланады. Бұл тақырып этнология, мәдениеттану, антропология және әлеуметтік ғылымдар саласындағы мамандар үшін өзекті мәселелерді қамтиды.
Семинар 2026 жылдың 8 сәуірінде, сағат 16:00-де, 131-аудиторияда өтеді. Барлық қызығушылық танытқан оқытушыларды, магистранттар мен студенттерді ғылыми талқылауға белсенді қатысуға шақырамыз.