Қазақстан халқы Ассамблеясының жанындағы Жетекші журналистер мен сарапшылар клубының жылдық жоспарына сәйкес, жас журналистерге қолдау көрсету және олардың кәсіби біліктілігін арттыру мақсатында журналистика мамандығы бойынша білім алып жүрген студенттерге арналған мастер-класс өтті. Іс-шараға тәжірибелі журналистер, медиа сарапшылар және сала мамандары қатысып, болашақ әріптестерімен өз тәжірибелерімен бөлісті. Мастер-класс барысында спикерлер қазіргі журналистиканың өзекті мәселелеріне тоқталып, ақпаратты дұрыс жеткізу, дереккөздермен жұмыс істеу, фактчекинг жүргізу және цифрлық медианың мүмкіндіктерін тиімді пайдалану тақырыптарын кеңінен талқылады. Сонымен қатар, қатысушыларға кәсіби этика, аудиториямен байланыс орнату және жеке бренд қалыптастыру жолдары жөнінде құнды кеңестер берілді. Шара барысында студенттер спикерлерге көкейлеріндегі сұрақтарын қойып, тәжірибелік тапсырмалар арқылы өз білімдерін шыңдауға мүмкіндік алды. Бұл өз кезегінде жас журналистердің теориялық білімін тәжірибемен ұштастыруына ықпал етті. Спикерлердің айтуынша, мұндай кездесулер болашақ журналистер үшін аса маңызды. Олар жастардың медиа саласына деген қызығушылығын арттырып қана қоймай, кәсіби тұрғыда дамуына серпін береді. Сонымен қатар, тәжірибелі мамандармен тікелей байланыс орнату – студенттер үшін үлкен мүмкіндік. Іс-шара соңында қатысушылар ұйымдастырушыларға алғыс білдіріп, осындай тағылымды кездесулердің алдағы уақытта да жалғасатынына сенім білдірді.
