6В01509 — «География» БББ 1,2 курс студенттері Мұқыры өзені аңғары (Мұқыры және Лабасы тауалды жазығы) — Ақсай шатқалы (Іле-Алатауы Мемлекеттік Ұлттық табиғи паркі) — Қапшағай су қоймасы (Іле өзені) маршруты бойымен жазғы далалық оқу-іс тәжірибесін өткізді. Оқу-іс тәжірибесі барысында студенттер Мұқыры өзені аңғарындағы Палеозой (PZ) эрасындағы Перм кезеңіндегі (P) брахиопад теңіз микроағзаларының тас бетіндегі таңбаларымен; жер бетіне шығып жатырған Мұқыры тас көмір кенінің қимасымен; Ақсай шатқалының геологиялық құрылымы мен жер бедерінің; таулы-аңғарлы аумақтың жергілікті климатының қалыптасу ерекшеліктерімен танысты. Топырақ және өсімдік жамылғысын зерттеді. Топырақ шурфын жасап, лабораториялық талдау масатымен әр қабатының үлгілерін жинады; геоботаникалық алаңшада өсімдік жамылғысының проективті жабындысы бойынша тығыздығының, биіктігінің өлшемдерін жасап, гербарий жинады. Табиғи аумақтық кешеннің ландшафттарының физикалық-географиялық сипаттамасын жасады. Осы Іле-Алатауы МҰТП аумағының субальпілік зонасында орналасқан емдік-демалыс зонасының шаруашылығығымен танысып, табиғи ландшафттарды тиімді жоспарлаудың; Іле өзенінің Қапшағай су қоймасының қоршаған ортаға антропогендік әсерлерінің салдарымен және стратегиялық маңыздылығымен танысты.
