І. Жансүгіров атындағы Жетісу университеті 2026 жылғы 28–29 сәуірде «Жаһандық трансформациялар жағдайындағы әлеуметтік-гуманитарлық ғылымдар: қоғам дамуының сын-қатерлері мен стратегиялары» тақырыбында білімгерлердің ғылыми жұмыстар байқауы өткізілетіні туралы хабарлайды.
Байқауды өткізу білімгерлердің ғылыми-зерттеу қызметін дамытуға, жастардың инновациялық идеяларын қолдауға, зерттеушілік құзыреттерін қалыптастыруға, сондай-ақ білімгерлердің ғылыми қабілетін ынталандыруға бағытталған.
Байқау аясында қоғамның, экономиканың, құқықтың, білім берудің дамуына қатысты өзекті мәселелеріне, сондай-ақ әлеуметтік-гуманитарлық ғылымдардың өзге де бағыттарына арналған білімгерлік маңызды зерттеулерді анықтау көзделеді.
Байқауға ғылыми-зерттеу қызметіне қызығушылық танытатын және жарияланған тақырып бойынша өз зерттеулерінің нәтижелерін ұсынатын білімгерлер шақырылады.
Байқау І. Жансүгіров атындағы Жетісу университетінде өткізіледі.
Байқауда 500 000 теңге көлемінде жүлде қоры қарастырылған, оның ішінде: I орын — 200 000 теңге; II орын — әрқайсысы 100 000 теңгеден екі жүлделі орын; III орын — әрқайсысы 50 000 теңгеден екі жүлделі орын.
Қатысу шарттары, өтінім беру тәртібі, материалдарды ұсыну мерзімдері және байқау жұмыстарына қойылатын талаптар туралы қосымша ақпарат университеттің тиісті ақпараттық материалдарында орналастырылады.
#SDG #ЦУР #ТДМ