19.03.2026 жылы І.Жансүгіров атындағы Zhansugurov college «Құқықтану» мамандығының студенттері «Адал азамат» жобасы аясында Жетісу облысы Әділет департаментінің Зияткерлік меншік құқығын қорғау бөліміне ашық есік күніне барды.
Іс-шара барысында студенттер зияткерлік меншік құқықтарын қорғау саласымен танысып, оның маңызы мен ерекшеліктері туралы кеңінен мәлімет алды. Сонымен қатар, жұмыспен қамтылу мәселелері де қарастырылып, болашақ мамандарға кәсіби бағыт-бағдар берілді.
Кездесу барысында студенттер белсенділік танытып, өздерін қызықтырған сұрақтарын қойып, толыққанды жауаптар алды. Ашық есік күні танымдық әрі пайдалы өтіп, қатысушыларға жақсы әсер қалдырды.
