2026 жылғы 16–17 сәуір күндері Шәкәрім университеті (Семей қ.) базасында 6В01601 – «Тарих» білім беру бағдарламасы бойынша «Алаш һәм Алашорда: мемлекеттілік үшін күрес» тақырыбындағы (Әлихан Бөкейханның 160 жылдығына арналған) XVII Республикалық пәндік студенттік олимпиада өтті. Аталған білім сайысына І. Жансүгіров атындағы Жетісу университеті «Тарих» білім беру бағдарламасының 1–4 курс білімгерлері қатысты. Команданың ғылыми жетекшісі Тарих және әлеуметтік-гуманитарлық пәндер кафедрасының оқытушы-дәріскері, PhD Б.Т. Калиева болды.
Олимпиада бес турдан тұрды, және «Тарих» білім беру бағдарламасының білімгерлері барлық кезеңдерге белсене қатысып, өз деңгейлерін көрсете білді. Жоғары дайындық пен белсенділік танытқаны үшін қатысушылар «Алғыс хатпен» марапатталды.
