Түлектерді жұмысқа орналастыру шаралары
Жұмысқа орналастыру көрсеткіші қазіргі уақытта еліміздің жоғары білім беру жүйесінде аса маңызды нысаналы көрсеткіштердің бірі. Жетісу университеті Жетісу университеті түлектерді жұмыспен қамту міндетін кешенді жоспар негізінде жүзеге асырады. Бекітілген жоспарға сай оқу жылында бірнеше іс -шаралар өткізіледі. Одан бөлек көрсеткіштерді жоғарылату мақсатында Мансап және жұмысқа орналастыру орталығы жұмыс берушілермен ынтымақтастық негізінде бірлесе отырып әрекет етеді. Ұйымдастырылатын жиындар бүгінгі күнде түлектердің ресми мәлімет алуына және мамандыққа сай жұмысқа орналасуына ықпал етіп отыр.
ҚР Мемлекеттік қызмет істері агенттігінің Жетісу облысы бойынша департаментімен жастарды мемлекеттік қызметке тарту және кәсіптік бағдар беру мақсатында І.Жансүгіров атындағы Жетісу университетінің студенттерімен кездесу
Қазақстан Республикасының Ғылым және жоғары білім министрінің кеңесшісі Емелбаев Руслан Тохтарбекович және Профориентолог, IT жобалаушы, аналитик, педагог Айдос Жұманазар Жетісу университетінде болып ата-аналармен кездесу жүргізіп, сұрақтарға жауап берді
І.Жансүгіров атындағы Жетісу университетінде «Жас маман – 2025» бос жұмыс орындар жәрмеңкесі өтті. Шараға 45-тен астам жұмыс беруші ұйымдар, кәсіпорындар өкілдері қатысты. Олардың қатарында мемлекеттік және жеке меншік мекемелер, балабақша, мектеп, колледждердің басшылары, сондай-ақ өңірдің банк ұйымдары, Жетісу облысының білім басқармасы, қалалық және аудандық білім бөлімдері, мемлекеттік мекемелер, т.б. кәсіпорындардың басшылары шақырылды.
І. Жансүгіров атындағы Жетісу университетінде 13-14 қараша күндері Талдықорған қаласының жалпы білім беру ұйымдарының түлектеріне арналған «Ашық есік» күні өтті. Шараға 400-ден астам оқушы қатысты.
10-14 маусым аралығында Ілияс Жансүгіров атындағы Жетісу университетінің 2023-2024 оқу жылында мемлекеттік білім беру тапсырмасы негізінде Бакалавриат, Магистратура, Докторантура бітіруші түлектерін онлайн форматта Zoom платформасы арқылы жұмысқа дербес бөлу іс-шарасы өткізілді. Жетісу облысы бойынша ұйымдар, мекемелерден келген бос жұмыс орындарына студенттерді дербес бөлу жұмыстары жүргізілді. Аталған іс-шараның басты мақсаты мемлекеттік білім беру тапсырысында - 318, оның ішінде ауылдық квота шегінде - 46 бітіруші түлекті жұмысқа орналастыру.
І.Жансүгіров атындағы Жетісу университеті Маңғыстау, Атырау облыстарына бөлінген нысаналы білім беру гранттары бойынша Қазақстандық Жоғары білім көрмесіне қатысты. 13-17 мамыр аралығында жүргізілген Қазақстандық Жоғары білім көрмесіне Басқарма мүшесі – академиялық мәселелер жөніндегі проректор Бауржан Таубаев және университет қызметкерлері қатысып келді.
Аталған жиын ҚР Ғылым және жоғары білім министрлігінің ұйымдастыруымен Маңғыстау және Атырау облыстарында өтті. Оған еліміздің 40-тан астам жетекші Жоғары оқу орны қатысты. Шара мемлекет басшысының тапсырмасы бойынша Маңғыстау және Атырау облыстарының талапкерлеріне арнайы бөлінген нысаналы білім беру гранттары туралы ақпараттық-түсіндіру жұмыстарын жүзеге асыру мақсатында ұйымдастырылды.
Ілияс Жансүгіров атындағы Жетісу университетінде Гуманитарлық ғылымдар, Құқық және экономика, Педагогика және психология жоғары мектебінде Жетісу облысы бойынша жалпы білім беру ұйымдарын аяқтаушы түлектерге «Ашық есік күні» өткізілді. 400-ге жуық болашақ жас білімгер келді. Талдықорған және қалаға жақын аудан мектептері мен «Innoverse Academy» жеке меншік мектебінің оқушылары қатысты.
Ілияс Жансүгіров атындағы Жетісу университетінде «Жас маман – 2024» атты бос жұмыс орындар жәрмеңкесі ұйымдастырылды. Университеттің 6 жоғары мектебінен оқуды аяқтаушы 876 білімгер қамтылды. Кездесуде болашақ жас мамандар әртүрлі сала өкілдерінен маңызды ақпарат алып, сұхбаттасты. Сонымен қатар, жұмыс берушілерге өз түйіндемелерін ұсынып, жұмысқа орналасудың ерекшеліктері мен негізгі қағидалары жайлы дерек алды. Болашақ жас мамандар жайлы деректерді, олардың түйіндемелерін университет ресурстары арқылы алуға болатыны да айтылды.
І.Жансүгіров атындағы Жетісу университетінде «ашық есік күні» өтті. Шараға «Mega mind» мектебінің оқушылары мен «Айналайын» балалар үйінің тәрбиеленушілері қатысты. Жиында болашақ білімгерлерге жоғарғы оқу орны таныстырылды.
І. Жансүгіров атындағы Жетісу университетінде Мансап және жұмысқа орналастыру орталығының ұйымдастыруымен «Бос жұмыс орындары» жәрмеңкесі өтті. Бітіруші түлектерді жұмыспен қамту мақсатында өткізілген бұл іс-шараға «Ұлттық сараптау және сертификаттау орталығы», Жетісу облысы бойынша мемлекеттік кірістер, Әділет, Төтенше жағдайлар, Полиция департаменттері, Тілдерді дамыту жөніндегі басқармасы, «Қазақтелеком» АҚ, Жетісу телеарнасы өкілдері келді.
І. Жансүгіров атындағы Жетісу университеті Атырау, Маңғыстау облыстарына нысаналы білім беру гранттары бойынша жоғары білім көрмесіне қатысты. Аталған жиын Ғылым және жоғары білім министрлігінің ұйымдастыруымен 21-24 сәуір аралығында Атырау және Маңғыстау облыстарында өтті. Оған еліміздің 42 жоғарғы оқу орны қатысты. Шара мемлекет басшысының тапсырмасы бойынша Атырау және Маңғыстау облыстарының талапкерлеріне арнайы бөлінген нысаналы білім беру гранттары туралы ақпараттық-түсіндіру жұмыстарын жүзеге асыру мақсатында ұйымдастырылды.
І.Жансүгіров атындағы Жетісу университеті ағымдағы оқу жылында мемлекеттік білім беру тапсырысы негізінде оқуды аяқтайтын бакалавриат, магистратура және докторантураның 260 түлегімен жиын өткізді. Шараға университеттің жоғары мектептері мен мансап және жұмысқа орналастыру орталығының мамандары қатысты.
Кәсіптік бағдар беру жұмыстары елді-мекендермен қатар Талдықорған қаласының мектеп түлектері үшін де өткізілуде. І.Жансүгіров атындағы Жетісу университеті 31 қаңтарда Б. Жолбарысұлы атындағы №18 орта мектеп-лицейінің 9-11 сынып оқушыларымен кездесу ұйымдастырды. Шараға 9 сыныптың 116 оқушысы және ағымдағы жылы мектепті аяқтайтын 61 түлек қатысты.
2022 жылы 29 қараша күні "Жас маман-2023" атты бос жұмыс орындар жәрмеңкесі өтті. Шараға мемлекеттік мекемелер, жекеменшік ұйымдар, өндіріс нысандары, кәсіпкерлік субъектілері қатысты. Ұйымдастырудағы басты мақсат- жұмысқа орналастыру мақсатын жүзеге асыру. Жәрмеңкеге 988 түлек қатысы.
Университет басшылығы оқуды аяқтаушы түлектерді жұмысқа орналастыру мақсатында тұрақты негізде білімгерлермен сұхбаттасу өткізеді. Кездесу барысында жұмыс орнын таңдау, мамандыққа сәйкес қызметке орналасу, болашақ жас мамандардың кәсіби қалыптасуы сынды маңызды тақырыптар талқыланады.
2022 жылғы 18 қарашада "Қаржы орталығы" АҚ-мен бірлесе отырып, мемлекеттік білім беру гранты негізінде оқуды аяқтайтын түлектерге міндетті үш жылдық жұмыс өтеміне байланысты түсіндіру жұмыстарын жүргізді. Кездесуге барлығы 718 білімгер қатысты.
2022 жылғы 6 желтоқсанда Жетісу облысы білім басқармасының өкілімен жергілікті бюджет қаражаты есебінен оқитын түлектердің жұмыс өтемі және жұмысқа орналасу ерекшеліктері тақырыбында сұхбаттасуы өтті. Жиынға 300-ге жуық білімгер қатысты.