«Zhansugurov college» жұмысы жүйелі жоспарланған, алар межесі анық айқындалған, ақпараттар ағынына ілесіп, заман талабына сай сапалы мамандар даярлау ісінде облыстағы техникалық және кәсіптік білім беретін белестері биік, мәртебелі білім ордаларының бірі де бірегейі.
Шежіресі І.Жансүгіров атындағы Жетісу университетінен бастау алған білім ошағы бүгінде қанаты қатайып, жаңа ғылыми дәуір ғасырына бет алып, талай биік белестерді бағындырып, орта кәсіби маман кадрларды даярлау үдерісінде үлкен бедел мен абыройға ие болуда.
Бүгінгі таңда колледж ұжымының басты міндеті – оқыту әдістемелерін жаңғырту, ауқымды халықаралық жобаларға қатысу, кәсіпкерлікке бағытталған оқу бағдарламаларын құру, жас мамандардың ең озық құрал-жабдықтармен және ең заманауи өндірісте жұмыс істеу дағдыларын үнемі меңгеруге дайындығын қалыптастыру, технологиялардың қарқынды дамуы жағдайында табысты әлеуметтік бейімделуге дайындығын қалыптастыру.
Білім шаңырағының өскелең ұрпаққа жол көрсету бағытындағы жетістіктері жетерлік. Ұрпақ тәрбиесінде толассыз педагогикалық қызметін көрсеткен колледж ұжымында 2 профессор, 24 ғылым магистрлері, 6 жоғары санатты және 5 бірінші санатты тәжірибелі педагог мамандар 600-дей білім алушыларға сапалы білім беруде.
Іргетасы 2018ж қаланған «Zhansugurov college» осы өңірдегі ілгері оқу орындарының біріне айналды. 2019-2020 оқу жылында Алматы облысы колледждері арасындағы рейтинг көрсеткіші бойынша 7 орынға ие болса, «Үздік оқу орны» облыстық байқауында «Жетістіктер жолында» номинациясын жеңіп алды. «Zhansugurov college» Алматы облысы бойынша алғаш «Worldskills Қазақстан-2020» аймақтық чемпионатын 3 құзіреттілік ұйымдастырған орталық болып табылды. Ұжым ерекше жоғары ынтамен, бүкіл күш-қуаты мен жасампаз мұраттарды алға қояды.
Білімді адам ғана болашаққа батыл қадам баспақ. Оқу менен білім – үздіксіз еңбектің арқасында ғана жақсы нәтижеге, жоғары жетістіктерге жеткізеді. Студент жастарымыздың жан-жақты, саналы, терең білімді, қабілетті болуы – қоғам сұранысы.
«ҚР колледждерінің Топ 100 студенті» жобасына «Аударма ісі» мамандығының студенті Тұмабай Гүлжан қатысып, жеңімпаз атанды. «Жыр арқауы – Елбасы» челленджінде «Туризм» мамандығының студенті Бейсенбай Мәулен қатысып, алғыс хатпен марапатталды. І. Жансүгіров атындағы Жетісу университетінің Стартап Академиясының және «Astana Hub» ІТ стартаптардың халықаралық технопаркінің инкубациялық бағдардамалары бойынша студенттердің инновациялық жобаларына колледжіміздің 13 студенті қатысып, сертификаттармен марапатталып, Сапар Сұлтанның жобасы үздік деп танылып, өзінің инновациялық жобасын республикалық деңгейде таныстыруға мүмкіндікке ие болды. Университет көлемінде ұйымдастырылған «Ғасырлық арман – Тәуелсіздік» жыр байқауында «Бастауыш білім беру» мамандығының студенті Қалибекова Акбаян І орын, « Менің университетім» тақырыбындағы үздік бейнероликтер байқауында «Ақпараттық жүйелер» мамандығының студенті Әлібеков Бексұлтан жүлделі II орын алды.
Білімге құштар жастарды «Zhansugurov college» колледжінде терең білім алып, интеллектуалдық деңгейі жоғары, еңбек нарығының бәсекелестігі жағдайында еңбек етуге қабілетті маман болып шығуға үндейміз! Күш-жігерлеріңізді, білімдеріңіз бен мүмкіншіліктеріңізді Тәуелсіз Қазақстанның дамуы жолына бағыттауға шақырамыз!
Болашақтың таңдауын бірге жасайық!
Білім шаңырағының келешегі жарық, абыройы жоғары!